Словакияда велосипедларнинг тезлиги чекланади

Словакия ҳукуматининг Йўл ҳаракати тўғрисидаги янги қонунга кўра, пиёдалар йўлагида ҳаракатланаётган енгил транспорт воситаларининг фойдаланувчилари тезликни соатига 6 км тезликдан ошириши тақиқланди.  Бу ҳақда “Politico” хабар берди.

Маълумотларга кўра, чеклов велосипедчилар, скейтерлар, скутер ва электрон скутер ҳайдовчиларига тааллуқли. Уларнинг барчаси пиёдалар йўлакларида рухсат этилган тезликда ошмаслиги керак. 

Депутат Лубомир Важни STVR телевидениесида сўзлаган нутқида қонун лойиҳасига ойдинлик киритиб, янги қоидалар йўловчиларнинг хавфсизлиги учун ишлаб чиқилганини  билдирГАН. Унинг сўзларига кўра, йўллардаги ҳалокатларни шу йўл билан олдини олиш мумкин. 

“Скутер ҳайдовчилари ва пиёдалар билан тўқнашувлар сони ортиб бораётгани муносабати билан ушбу қоидалар ишлаб чиқилди. Қарор йўлларда пиёдаларнинг хавфсизлиги учун хизмат қилади.  Бу одамлар қўлларида спидометр билан юришлари керак дегани эмас”, дейди депутат.

Қонун лойиҳаси ижтимоий тармоқ фойдаланувчиларининг баҳс ва кулгиларига сабаб бўлган. Баъзилар автобусда югурганларни ҳам жаримага тортиш кераклиги ҳақида изоҳ қолдирган. 

Қонун 2026 йил 1 январдан бошлаб кучга киради.

Бунёд Келдибоев