Ўзбекистон Нидерландия билан ўйнайди

Ўзбекистон миллий терма жамоаси Жаҳон чемпионати олдидан Нидерландия терма жамоасига қарши ўртоқлик учрашуви ўтказади. Бу ҳақда Ўзбекистон футбол ассоциацияси матбуот хизмати хабар берди.

Маълум бўлишича, жорий йилнинг 8 июнь куни Нью-Йоркдаги “Иcаҳн” стадионида бўлиб ўтади. Ушбу ўйин вақти Тошкент вақти билан 23:45 бошланади. 

Нидерландия терма жамоаси Жаҳон чемпионатида Япония, Швеция ва Тунис терма жамоалари билан бирга “Г” гуруҳидан ўрин олган бўлса, Ўзбекистон эса Португалия, Колумбия ва Конго билан бирга “К” гуруҳидан жой олган.

Маълумот учун, Фабио Каннаваро бошчилигидаги Ўзбекистон миллий терма жамоаси ушбу ўйиндан олдин жорий йилнинг 1 июнь куни мундиал мезбони Канада билан ҳам ўртоқлик учрашуви ўтказади.

Эслатиб ўтамиз, аввалроқ Ўзбекистон миллий терма жамоаси бош мураббийи Фабио Каннаваро май ойида бўлиб ўтадиган йиғинга жалб этилган футболчилар рўйхатини эълон қилганди.