Жозе Моуриньо Португалия терма жамоасини бошқариши мумкин
Спорт
−
15 Май 3265 1 дақиқа
Туркиянинг “Фенербаҳче” клуби бош мураббийи Жозе Моуриньо Португалия миллий жамоасини қабул қилиб олиши мумкин. Бу ҳақда “HTSpor” нашри хабар берди.
Манбага кўра, томонлар келишувга эришган. Шартнома июнь ойи бошида бўлиб ўтадиган UEFA Миллатлар лигасининг ҳал қилувчи ўйинларидан сўнг имзоланиши кутилмоқда.
Айн дамда 62 ёшли мутахассис “Фенербаҳче”ни бошқариб келмоқда. Жамоа Туркия чемпионатида мавсум якунига 3 тур қолганида “Галатасарой”дан 8 очко ортда қолиб, иккинчи ўринни эгаллаган.
Қайд этиш жоиз, Жозе Моуриньо фаолияти давомида ҳеч қачон терма жамоа мураббийи бўлиб ишламаган.
Ҳозирда Португали миллий жамоаси устози испаниялик мутахассис Роберто Мартинес ҳисобланади. Унинг қўл остидаги жамоа 28 учрашувнинг 21 тасида ғалаба қозонган бўлса, Евро-2024 чорак финалида Францияга пенальтилар сериясида мағлуб бўлди.
Live
Барчаси
