Abduhakimov boshchiligidagi komissiyaga keng vakolatlar berildi

Prezident Shavkat Mirziyoyevning kecha, 24 noyabr kuni imzolangan  “Toshkent shahrida ekologik vaziyatni yaxshilash bo‘yicha kechiktirib bo‘lmaydigan chora-tadbirlar to‘g‘risida”gi farmoni bilan ekologik vaziyatni yaxshilash yuzasidan kechiktirib bo‘lmaydigan chora-tadbirlarni amalga oshirish bo‘yicha maxsus komissiya tuzildi.

Komissiyaga Prezidentning ekologiya masalalari bo‘yicha maslahatchisi – Ekologiya va iqlim o‘zgarishi milliy qo‘mitasi raisi Aziz Abduhakimov rahbar etib tayinlandi.

Maxsus komissiyaga quyidagi vakolatlar berildi:

• Tabiiy changlanish kuchaygan paytda sanoat korxonalari, transport, issiqlik ta’minoti va boshqa sohalarda cheklovlarni joriy qilish;
• transport vositalari harakatini cheklash, jumladan:
   
  • Toshkent shahrida yuk tashish avtotransport vositalari harakatini vaqtincha cheklash amaliyotini yo‘lga qo‘yish;
  • avtotransport vositalarining, jumladan, davlat raqamiga mos ravishda toqu juft sanalarda harakatlanishni cheklash amaliyotini joriy qilish (elektromobillar bundan mustasno);
  • harakatlanishi vaqtincha cheklanadigan avtotransport vositalari turlari, ko‘chalar va boshqa hududlarni belgilash.
     
• Atmosfera havosi sifatiga salbiy ta’sir qiluvchi moddalar yoqqan issiqxonalar va boshqa ob’ektlar faoliyatini vaqtincha yoki to‘liq to‘xtatish;
• Toshkent shahridan boshqa hududlarga ko‘chirilishi majburiy bo‘lgan sanoat korxonalari va sanoat zonalarini belgilash;
• Sanoat korxonalari uchun tashlanmalarning ruxsat etilgan miqdorini belgilash va ushbu talabni buzgan sanoat korxonalari faoliyatini to‘xtatish bo‘yicha belgilangan tartibda chora ko‘rish;
• Qurilish ishlarini amalga oshirishga cheklov va ularga talablar joriy qilish, jumladan, qurilish vaqtida changni bartaraf etuvchi uskunalarni o‘rnatish va boshqa talablar;
• Davlat organlari va tashkilotlari hamda huquqni muhofaza qiluvchi va nazorat organlari faoliyatini ekologik talablarning amalga oshirilishini ta’minlash maqsadida muvofiqlashtirish;
• Oqar suv (daryo, kanal, ariq) ob’ektlarida suv ob’ektlari qirg‘oq muhofaza mintaqa zonalarida qurilishni taqiqlash va ekologik vaziyatni yaxshilash bilan bog‘liq boshqa vakolatlar.

Maxsus komissiya tarkibi quyidagilardan iborat: