Marokash Argentinani mag‘lub etib, Jahon chempioniga aylandi
Sport
−
20 Oktabr 3281 1 daqiqa
Marokash bugun, 20 oktyabrga o‘tar kechasi Santyagodagi (Chili) “Nasional - Xulio Martines Pradanos” stadionida 2025 yilgi U-20 Jahon chempionatining final uchrashuvi bo‘lib o‘tdi.
Unda Argentina va Marokash terma jamoalari to‘qnash keldi. O‘yin marokashliklarning 2:0 hisobidagi g‘alabasi bilan yakunlandi. Shu tariqa, Shimoliy Afrika jamoasi U-20 JCH-2025 g‘olibi bo‘ldi.
Marokashlik futbolchilar safida 20 yoshli hujumchi Yassir Zabiri ikki gol urib, dubl qayd etdi. Futbolchi 19-daqiqada hisobni ochdi, 29-daqiqada esa Marokash terma jamoasi ustunligini oshirdi.
Ma’lumot uchun, 2023 yilda U-20 JCH g‘olibi Urugvay yoshlar terma jamoasi bo‘lgan edi. Eng ko‘p g‘alaba qozongan milliy jamoa esa Argentina bo‘lib, olti marta chempionlikni qo‘lga kiritgan.
Jahongir Inomjonov
