O‘zbekistonlik hamshiralar Italiyaga yaxshigina maoshli ishga taklif etildi

Italiya hukumati bilan erishilgan kelishuvlar doirasida o‘zbekistonlik hamshiralar uchun Milan shahri klinikalarida ishlash imkoniyati yaratildi. Bu haqda O‘zbekiston Migratsiya agentligi xabar berdi.

Nomzodlarga quyidagilar taklif qilinmoqda:

• 3 oylik stajirovka (keyin to‘liq muddatli mehnat shartnomasi imzolash taklifi);
• 1200 – 1500 yevro oylik maosh
• bepul turar joy, tushlik va italyan tili kurslari;
• yengil ish grafigi va qulay shartlar.

Stajirovka yakunida hamshiralar bilan 1800-2200 yevro maoshli shartnoma tuzish yoki avvalgi ish o‘rniga qaytarish bo‘yicha taklif beriladi.

Nomzodlarga qo‘yiladigan talablar:

• “Oliy hamshiralik ishi” bo‘yicha oliy ma’lumotli;
• 3 yil ish tajribasi;
• 20–45 yosh;
• sog‘lom va xorijga chiqishga cheklovi yo‘qligi.

Kerakli hujjatlar:

• pasport nusxasi;
• diplom;
• ob’ektivka ma’lumotnoma (ingliz tilida, namuna bo‘yicha);
• 3,5 x 4,5 shakldagi fotosurat (so‘ngi uch oyda olingan, rangli).

Arizalar ushbu havola orqali 15 avgustgacha qabul qilinadi. Birinchi bosqichda 10 nafar nomzod tanlab olinadi.