А Сериянинг энг қиммат футболчиси маълум бўлди

Transfermarkt портали Италия А Серияси футболчиларининг бозор қийматларини янгилади. Унга кўра, “Интер” клуби аргентиналик футболчиси Лаутаро Мартинеснинг нархи 85 миллион еврога баҳоланиб, лиганинг энг қиммат футболчиси бўлиб турибди.

Ихтисослаштирилган футбол сайти футболчиларнинг бозор қийматини янгилаганидан сўнг, Лаутаро Мартинес А Сериянинг энг қиммат футболчиси бўлиб турибди. Ундан кейинги ўринларни 80 миллион евро билан “Интер”нинг яна бир футболчиси Алессандро Бастони эгаллаб турибди. “Ювентус”нинг туркиялик вингери Кенан Йилдиз эса 75 миллион евро билан бу рўйхатда 3-ўринда бормоқда.

Transfermarkt’га кўра, ҳозирда “Интер” клуби бозор қиймати 670 миллион евро билан А Сериянинг энг қиммат жамоаси бўлиб турибди. Ундан кейинги ўринда эса 551 миллион евро билан “Ювентус” жамоаси бормоқда.

Эслатиб ўтамиз, аввалроқ transfermarkt портали Эрон Про лигаси футболчиларнинг бозор қийматларини янгилагандан сўнг Ўзбекистон миллий терма жамоаси ва “Персеполис” клуби футболчиси Остон Ўрунов Эрон чемпионатининг энг қиммат футболчисига айланган эди.