Килиан Мбаппе жазоланиши мумкин

Франция терма жамоаси ва “Реал Мадрид” ҳужумчиси Килиан Мбаппе жорий йилнинг 23 ноябрь куни  “Элче” учрашувидан сўнг ҳакамни ҳақорат қилганликда айбланди. Ла Лига ушбу ҳолат юзасидан интизомий иш қўзғатиши мумкин. Бу ҳақда “sports” нашри хабар берди.

Ла Лиганинг 13-туридан ўрин олган “Реал Мадрид”нинг “Элче”га қарши сафар ўйинида (2:2) очко йўқотиши франциялик ҳужумчи Килиан Мбаппенинг кескин норозилигига сабаб бўлди. Мбаппе якуний ҳуштакдан сўнг ҳакамга нисбатан оғзаки ҳақорат ишлатган.

Учрашув якунида Мбаппе норозилик билдиргани учун сариқ карточка олди. Бироқ DAZN Espana камераларида қайд этилган янги кадрлар испан матбуоти томонидан ёритилишича, воқеа оддий норозилик доирасидан анча ошиб кетган. Мбаппе ҳакамнинг қўшимча дақиқаларни нотўғри қўшилганлигини таъкидлаб, ундан изоҳ талаб қилган. Бу жараёнда у француз тилида бир неча бор ҳакамни ҳақорат қилган. Ушбу сўзлар француз тилида айтилгани сабаб ҳакам уларни дарҳол англамаган.

Маълумотига кўра, Ла Лига интизом қўмитаси мазкур ҳолат юзасидан DAZN тасвирларини ўрганиб чиқиб, Мбаппега нисбатан интизомий санкция қўлланиши эҳтимоли мавжуд.

Маълумот учун, ҳозирда “Реал Мадрид” Ла Лига турнир жадвалида етакчилик қилмоқда. Килиан Мбаппе эса 13 та гол билан мусобақа тўпурари бўлиб турибди.