Месси MLS'нинг энг яхши футболчиси деб топилди

“Интер Майами” ҳужумчиси Лионель Месси MLS'да якунланган мавсумнинг энг яхши футболчиси деб топилди. Бу ҳақда лига матбуот хизмати хабар берди.

Мукофот мунтазам мавсум натижаларига кўра топширилади. Ушбу босқичда 38 ёшли аргентиналик юлдуз 29 та гол ва 19 та голли узатма қайд этди. Месси жамоаси билан мунтазам чемпионатни 3-ўринда якунлади, бироқ плей-офф босқичида кетма-кет ғалабалар билан MLS Кубогини қўлга киритишга эришди.

Шу тариқа, Месси кетма-кет иккинчи бор “Мавсумнинг энг яхши футболчиси” совринини қўлга киритди ва MLS тарихида бунга эришган илк футболчига айланди.

Шунингдек, Месси лигада сербиялик афсона Преки (1997 ва 2003 йиллар, “Канзас Сити”)дан кейин икки бор бу совринни қўлга киритган ягона футболчи сифатида тарихга кирди.

Эслатиб ўтамиз, аввалроқ Аргентина терма жамоаси сардори Лионель Месси Жаҳон чемпионати олдидан Испания, Франция, Англия ва Германияни турнирнинг асосий фаворитлари эканлиги ҳақида айтган эди.