Пикассонинг 80 йилдан бери кўрилмаган сурати кимошди савдосига қўйилади

Испаниялик рассом ва ҳайкалтароши Пабло Пикассонинг 80 йилдан бери кўрилмаган сурати Парижда кимошди савдосига қўйилади. Бу ҳақда CNN хабар берди.

Пикассонинг “Гулли қалпоқли аёл бюсти” картинаси 1943 йилда Гитлер Германияси томонидан ишғол қилинган Парижда чизилган бўлиб, машҳур рассомнинг ўша пайтдаги илтифоти ва севгилиси Дора Маарнинг портрети ҳисобланади. Маарнинг яқинда топилган портретини 1944 йилда номаълум коллекционер сотиб олган ва ўшандан бери унинг оиласида сақланмоқда.

Санъатшунос олим Аньес Севестр-Барбенинг сўзларига кўра, бу асар “жуда катта тарихий ва бадиий аҳамиятга эга бўлган тувалдир (рассомлар чизиш учун фойдаланадиган мато бўлиб, одатда ёғоч ромга тортилган ҳолда ишлатилади), айниқса, 80 йилдан ортиқ вақт давомида жамоатчилик буни кўрмагани сабабли”.

“Бизга маълум бўлишича, у ҳеч қачон кўргазмага қўйилмаган ёки кимошди савдосига қўйилмаган”, деди Аньес Севестр-Барбе.

Юқори чап бурчакда имзо қўйилган 81х60 см ўлчамдаги расм жорий йил 24 октябрда кимошди савдосига қўйилади. Бошланғич баҳоси 8 миллион евро. Мутахассислар аукцион пайтида нархнинг кўтарилишини кутмоқда.

Маар (аслида туғилган Генриетта Теодора Маркович) француз сюрреалист рассоми ва фотографи эди. Эр-хотин романтик муносабатларга эга эди. Рассом унинг бир нечта портретларини чизган: “Дора Маарнинг портрети”, “Йиғлаётган аёл” ва “Дора Маар мушук билан”.

“Унинг барча портретлари ёлғон. Ҳаммаси Пикассо. Улардан ҳеч бири Дора Маарга ўхшамайди”, дейди Маарнинг ўзи портретлар ҳақида.

Эслатиб ўтамиз, аввалроқ Германиянинг Штутгарт шаҳридаги бадиий аукционда испаниялик рассом ва ҳайкалтароши Пабло Пикассонинг иккита сохта расми сотилганди.