Трампга берилган тинчлик мукофоти норозиликларга сабаб бўлмоқда

Халқаро футбол федерацияси (FIFA) ичида АҚШ Президенти Дональд Трампга тинчлик мукофоти топширилгани сабабли норозилик кайфияти кучайиб бормоқда. Бу ҳақда “The Guardian” нашри хабар берди.

2025 йилнинг 5 декабрь куни футбол бўйича  Жаҳон чемпионати қуръаси маросими чоғида FIFA президенти Жанни Инфантино Трампга ташкилот томонидан биринчи бор таъсис этилган Тинчлик мукофотини топширган эди. Орадан кўп ўтмай эса АҚШ Венесуэла пойтахти Каракасга ҳарбий ҳужум уюштирди ва мамлакат президенти Николас Мадуро қўлга олинди. Шунингдек, Трамп Даниянинг Гренландия устидан суверенитетини тан олмаслигини билдирди ҳамда Куба “қулаш арафасида” эканини эълон қилди.

FIFA мукофот кимга ва қандай мезонлар асосида берилгани бўйича батафсил маълумот тақдим этмади. Нашрга ташкилот ичидаги юқори лавозимли амалдорлардан бири Трампни тақдирлаш маросими FIFA раҳбариятида жиддий хавотир уйғотгани ва бу ҳолат “чуқур шармандалик” сифатида қабул қилинганини маълум қилган.

FIFA расмийларидан бири 2026 йилги Жаҳон чемпионатини АҚШда ўтказиш жараёни энди “жуда нозик ва мураккаб” босқичга кирганини тан олган. 

Эслатиб ўтамиз, аввалроқ Норвегия футбол ассоциацияси президенти Лисе Клавенесс FIFA'нинг Дональд Трампга берилган тинчлик мукофотини танқид қилган эди.